3257/2023-2024

Lawngtlai dated 6th January 2023: Election Commission of India thuchhuak angin Special Summary Revision of Photo Electoral Roll, 2024 nei turin Lawngtlai District ah inbuatsaihna kalpui tan a ni.

Electoral Roll ennawna, siamtharna tur atan a behchhan a hmantur Draft Electoral Roll chu vawiin khan Election Officer Pu Denny Lalchhuanawma chuan DC Conference Hall, Lawngtlai ah a tlangzarh a. Election Officer chuan Electoral Roll felfai nei tur chuan tanrualna tha a pawimawh tih sawiin, Lawngtlai District chu ramdang, Bangladesh leh Myanmar nen ramri thui tak intawm a nihna ah Khua leh tui dik tak ni lo ten Electoral Roll a luh tum a bei an awm theihna a sang tih sawiin, fimkhur taka a buaipuitu leh Political Party leh Tlawmngaipawl ten ṭan an lak nasat a tul thu a sawi.

Lawngtlai District a Assembly constituency bial pathum Tuichawng, Lawngtlai West leh Lawngtlai East ah vawiin a tlangzarh tak Draft Electoral Roll-a a landan chuan Vote nei mipa 45,688 hmeichhia 45,754 an awm a, an vaiin Vote nei mi 91,442 an awm.

Tuichawng bial ah Vote nei 36,044 awmin Lawngtlai East ah 29,495 leh Lawngtlai East ah vote nei 25,903 an awm.

Lawngtlai a Draft Electoral Roll tlangzarhna hian Political Party aiawh, Tlawmngai pawl aiawh, Thuthar thehdarhtute leh Sorkar Department hotute an tel a ni.