3256/2023-2024

Dated Saitual the 6th January, 2024 : Vawiin khan Saitual District Draft Electoral Roll, 2024 chu DC Conference Room, Saitual-ah tlangzarh a ni.

ECI ruahman angin vawiin chawhma dar 10:30 khan Saitual District enkawl Assembly Constituency pathum 8-Chalfilh, 9-Tawi leh 21-Lengteng hnuaia Special Summary Revision of Electoral Roll, 2024 atana Draft roll chu Dr. Lalngura Tlau, District Election Officer/DC Saitual chuan DC Conference Room Saitual ah a tlangzarh . District Election Officer chuan ram roreltu thlanna atana vote thlak tura inziahluh kawngah BLO, ERO/AERO chu roll-a lut tur dik takte roll-a thun kawngah fimkhur turin a chah a. Tin, party leh NGO te pawh hemi kawnga thawhpui turin a sawm bawk.

Saitual District hnuaia A/C pathum-a draft roll tihchhuah takah hian voter 55679 an awm a, heng zinga voter 27575 chu mipa niin, hmeichhia 28104 an awm. Vawiin hian Party te roll sem nghal a ni.

Draft Electoral roll tlangzarhah hian political party hrang hrang aiawh leh BLO te, ERO, AERO leh Saitual Journalist Association te, NGO aiawh te an tel tha hle.