3255/2023-2024

Khawzawl, 6th January 2023: Vawiin khan Khawzawl District Election Officer Pu K. Lalrohlua, Khawzawl Bawrhsap ni bawk chuan 22-Tuichang biala Special Summary Revision of Photo Electoral Roll, 2024 a hman tur Draft Roll chu Khawzawl DC Meeting Hall-ah a tlangzarh. Draft Roll hi 2nd Special Summary Revision 2023, October ni 4, 2023-a tlangzarh tak bakah hemi hnua ‘Continous Updation of Electoral Roll’ neih behchhan a siam a ni a, Draft Roll-ah 22-Tuichang bialah hian voter 17503 an awm a ni.

Bawrhsap Pu K. Lalrohlua chuan thu sawiin Mizoram hmundang te rualin Lungtan Village Council ah By-Election neih a nih dawn thu a tarlang a. Party leh NGO hruaitu kalkhawmte chu Electoral Roll ngaipawimawh tura chahin, Roll a lut thei tawh te a hun taka roll-a an luh theihna turin mipuite hnenah zirtirna pe uar turin a ngen.

He hunah hian Khawzawl Election Officer Pu Timothy R. Lalhmangaiha, Electoral Registration Officer Pi Lalhruaitluangi leh Asst. Electoral Registration Officer Pu Elijah LH Sanga ten thu an sawi a. Electoral Roll a inziak lut thar duh te tan January ni 6 atanga January ni 17, 2024 thleng hun hawn a ni tih an tarlang a. Sipai a lut thar service roll a inziak lut duh te tan hun hawn a nih thu leh sipai atanga chhuak tawh te tan pawn electoral roll pangaia insawn theih a nih thu tarlang a ni bawk.

Draft Roll ah hian Tuichang bial chhungah Voter 17503 an awm a, mipa 8,710 awmin hmeichhe voter 8,793 an awm a; mipa aiin hmeichhe voter 83 in an tam zawk a ni. 2nd Special Summary Revision, 2023 nena khaikhinin vawiina Draft Roll tih chhuah takah hian voter 28 in an pung a, Draft Roll chungchang chiang zawka en duh tan a hnuaia document-ah hian tarlan a ni.

Overview-of-Draft-publication-of-electoral-roll-22-tuichang-ac- SSR 2024.pdf