4697/2024-2025

Lunglei, 2025 Vau thla ni 18: Lunglei Municipal Council (LMC)-a Chief Executive Officer Pu Donny Lalruatsanga chuan March ni 13, 2025 khan a hnuaia mi ang hian mipuite hnena hriattirna a chhuah.

"Lunglei khawpui chhungah khua a ṭhalin, kan tui lakna ber Tlawng lui pawh nasa takin a kiam a. Chu vangin mipui nawlpui tan kawng dang dapa tui mamawhna kan phuhruk mai a lo ngai chho ta niin a lang a ni.

"Mipuite'n tui thianghlim leh in tlak, tui zuartute hnen aṭanga kan lei/la dawn a nih pawhin PHE Dept aṭanga an tui zawrhte ei leh in tlak ngei a ni tih hriatpuina /finfiahna lehkha neite chauh kan ngaih pawimawh thiam a ṭul hle a ni. Tui thianghlim lo, mipuite tana hriat chhian loh hmanga sumdawnna kalpui hi thil ṭha lo tak a ni mai lo va, dan zawm lohna lian tak a ni tih kan inhriattir nghal bawk e. Tui zuara sumdawng ṭhinte pawhin he hriattirna thu chhuah hi min zawmsak ngei turin kan inngen bawk a ni. The Mizoram Municipalities Act, 2007 leh Water (Prevention and Control of Pollution) Act, 1974-in Municipality thuneihna a pek angin LMC chuan a ngai pawimawh tak zet a ni."