Vawiin chawhma dar 10:00 khan Thuamluaia Mual, Lunglei khawpuiah India Republic Day 2010 chu ropui takin lawm a ni a, hetah hian Parade Contingent 22 ten hnam puanzar chibai an buk chu Pi Margaret Zohmingthangi, Lunglei Distict Bawrhsap chuan chhang letin kalkhawmte hma ah thu a sawi.
Pi Zohmingthangi chuan India zalenna sualtu leh India Danpui tha tak lo duang chhuaktute chu an ngaihsan awmin an zarah India ram mipuite chuan zalenna neiin hmasawnna chi hrang hrang kan lo neih tak thu sawiin, Mizoram pawhin chumi zar chu nasa takin kan zo mek zel a nih thu a sawi.
Lunglei District chu Mizoram Model District niturin buatsaih mek zel a nih thu leh Department hrang hrang, tlawmngai pawl, kohhran te tanhona chu lawmawm tiin, nasa lehzuala tan lak a tul thu tarlangin, Pi Zohmingi chuan, “Department hrang hrang bakah, Lunglei High Power Committee sang tak District dangin an neih ve loh chuan hmasawnna nasa takin a siam a ni,” a ti.
Lunglei District YMA Branch 7 te hnenah Krismas leh Kumthar vuakvetah thu awih taka halpuah an hal loh avangin lawmman atan Rs. 3,500/- theuh a pe a, a dang 3 te hnenah Consolation Prize D.C. chuan a pe bawk.
Vawiin Lungleia Republic Day hmanna Parade ah hian 2nd Bn. MAP chu Armed Contingent ah an titha ber a, School Contingent ah Graceland English School chu pakhatna an ni.
Lunglei District chu Mizoram Model District niturin buatsaih mek zel a nih thu leh Department hrang hrang, tlawmngai pawl, kohhran te tanhona chu lawmawm tiin, nasa lehzuala tan lak a tul thu tarlangin, Pi Zohmingi chuan, “Department hrang hrang bakah, Lunglei High Power Committee sang tak District dangin an neih ve loh chuan hmasawnna nasa takin a siam a ni,” a ti.
Lunglei District YMA Branch 7 te hnenah Krismas leh Kumthar vuakvetah thu awih taka halpuah an hal loh avangin lawmman atan Rs. 3,500/- theuh a pe a, a dang 3 te hnenah Consolation Prize D.C. chuan a pe bawk.
Vawiin Lungleia Republic Day hmanna Parade ah hian 2nd Bn. MAP chu Armed Contingent ah an titha ber a, School Contingent ah Graceland English School chu pakhatna an ni.
