1248/2023-2024
Lunglei the 24th July, 2023 : Vawiin tlai khan Pi Ramdinliani IAS Deputy Commissioner, Lunglei kaihhruaiin ama Office chamber ah Lunglei khaw thlanglam NH-302 kawng chhiat chungchanga hmalak dan tur ngaihtuah in an thukhawm. He hunah NHIDCL,BRN, Infrastructure Private Limited, DTO,Police te an tel a ni.

Meeting chuan tunlai ruahsurin NH-302 kawng a tih chhiat avangin Lunglei khawthlang Maxicab Service zawng zawng te chuan thu leh awm hma chu vawiin ni 24.7.2023 atang hian tiam chin awm lova service loh ni se tih an rel a. Hemi chungchang hi vawiin meeting chuan NHIDCL leh Contractor thar BRN Infrastructure Private Limited te chuan Maxicab Service loh chhung hian thawktu te leh hmanrua te la khawma Ni 26 July-28 July, 2023 (48hrs) chhunga kawng siam hna te thawh chhun zawm tum a ni a, kawng tluang taka siam a nih theih nan hemi hun chhung hian damlo phur leh a tul tak tak tih loh chu lirthei eng chi mah tlan lo tur a ngen niin a bik takin lirthei lian te chu tlan lo tur a tih an ni. Hemi hnu hian Contractor ten lirthei tlan dan tur mumal takin ruahmanna an la siam ang.