63/2023-2024
Lunglei the 30th March 2023 : Lunglei Market and trade Centre thar sak turah District Disaster Management Authority and Deputy Commissioner Pi. Ramdinliani chuan thupek thar a ti chhuak :
Lunglei Market and Trade Centre thar sak tura hmalakna kal zelah January ni 30, 2023 khan market hlui chu thiah tan a ni a, Market thiah mekah hian dawrkai/thlai zuar thenkhat an la thu thin tih hriat a ni a, hei hi mipui vantlang tan a him lo hle a ni.
Deputy Commissioner & Chairperson, District Disaster Management Authority, Lunglei District Order No.B.13018/16-17/Part-1/DCLR/62 dated 07.03.2023 bawhzuiin ni 13.03.2023 khan market hlui thiah mek hi EE, PWD Building Division, Lunglei hovin a hmuna endikna (spot verification) neih a ni a, endiknaah hian DC aiawh, District Marketing Officer aiawh leh contractor aiawh te bakah Chanmari leh Electric Veng Village Council President te an tel a ni.
Spot verification report in a tarlan danin market hlui thiahnan a khawl hman chuan building thiah hmabak te pawh a nghawr che nasa a. Building hlui hi a that tawh loh bawk avangin mipui him zawkna'n fimkhur taka market thiah hna hi kalpui a tul hle tih hriat a ni.
Chuvangin, The Disaster Management Act, 2005 section 34(c) leh 34(m) in thuneihna min pek angin a hnuaia thupek hi ka chhuah e:
"Mipuite kan him tlan zawkna'n, thu leh awm hma chu Lunglei Market & Trade Centre thar sak mek hung chhungah hnathawktute leh phalna neite bak luh phal a ni lova, thil zawrh leh bazar phei chu khap tlat a ni."
