64/2023-2024

Aizawl 10th April, 2023: Chief Minister Pu Zoramthanga chuan tukin khan Laldenga Cultural Centre sakna tur hmunhma enfiahin a kaihhnawih department hotute nen Lammual a kal.

April ni 1, 2023 a Union Home Minister Pu Amit Shah an Laldenga Cultural Centre sakna tur lungphum a phum tak chu tukin khan Chief Minister leh PWD, Planning & Programme Implementation Department, Home Department leh department dang hotute chuan a enho a. He building hi Smart City project hnuaia sak tur niin project cost chu cheng vbc 193 a ni.

Chief Minister hian chipchiar taka building sakna tur a enfiah bakah 2 Assam Rifles Bn. Commandant Colonel Rajesh Kumar Nayak nen an inkawm bawk a. Primary leh Middle School insawnchhuahna tur pawh Zokhawsangah sak thuai turin ruahman a ni.