374/2024-2025 

LUNGLEI; the 26th, April, 2024: Vawiin chawhnu khan Pu K. Lalrinawma, Vice Chairman, Lunglei Municipal Council kaihhruaina in ama office chamber ah LMC huamchhunga Parking Area chungchang  Lunglei Sub Hqrs YMA, Office Bearer te meeting a neih pui.

Pu K. Lalrinawma chuan Lunglei khawpui chhungah lirthei nei garage neilo kan awm nual mai a, khawpui thang mek a nih avangin kawngkam a lirthei dah loh theihlohna avangin kan awm mek a.  LMC Area chhunga mipuite him zawk a khawsak leh kawng a kalte an him zawk nan leh mipuite tana chhenfakawm tak parking zone leh no parking zone hmanlai mek te siamthat dan tur Lunglei Sub Hqrs YMA OB te nen ruahmanna neih ho tha a tih thu a sawi a ni.

Heng rawtna te hi sawihona neih a ni.

1.No parking zone siamin tar thlap ila (Hmun chep leh kawng te lai area ah) Motor dah luite erawh chawi (fine) ta se. Zan dar 7:00 PM - Zing dar 7:00 AM hi YMA lamin lo duty se.  Main road leh District road tluan hi tih hmasakah neih ni ta se.

2. Vawi leh khatah garage neilo ruahman a har avangin No parking zone lo zawng erawh kawngpui zau leh mipuite tan him tur area chu Safe Zone ah ngai ila, hei pawh hi parking zone tiin tar bawk ila.

3. Hemi bakah kawngpui vengchhung inkalpawhna kawngpui zawng zawng erawh mahni compound lova motor dah , permanent a dah thinte Zan dar 7:00 PM - Zing dar 7:00 AM inkar YMA te kutah awm ta se, No parking zone leh Safe zone/parking zone siam theih nise.

4. LMC phalna tel lova overnight parking leh No parking zone a motor dah te Main road leh District ah chuan chawi tir a, LMC leh YMA te insiam rem  nise.

5. He thawhdunna hi agreement mumal tak ziak a kalpui nise tih a ni.

Meeting chuan heng rawtna te hi tha an ti tlang a, LMC Ward tinah  Ward Councillor, YMA leh Police te nen zirchiang tura hmalak nise tha tih a ni bawk.