467/2023-2024
Dated Aizawl the 16th May, 2023 at Directorate of UD&PA : Lunglei Municipal Council-a Councillors thlan thar te chuan ni 16.05.2023- hian UD&PA Directorate tlawhin, Sr. Officer-te nen hun hlawkthlak tak an hmang. He hunah hian UD&PA Director, Pu H. Lianzela’n Chairman niin a kaihruai a, LMC lam atangin Chairman, Vice Chairman, Executive Councillors leh Councillors leh LMC CEO te telin, UD&PA Directorate-a officers te nen UD&PA Deptt. hmalakna hrang hrang thlir ho a zir ho a ni.
He hunah hian UD&PA Director Pu H. Lianzela chuan Councillors te lawmpuina leh lawmna thu sawiin, Mizoramah ULB pahnihna atan Lunglei Municipal Council kan nei thei chu lawmawm a tih thu a sawi a, ULB-te pawimawhna hrang hrang leh issue an hmachhawn turte tarlangin Municipal Directorate chuan a tul anga pianga tanpui an inhuam thu a sawi a ni. Bawlhhlawh sawngbawl kawngah pawh Ward tina decentralized Solid Waste Management kalpui thei ngei turin LMC Councillors te hi a chah a ni. Pu Malsawmzuala, Joint Director (Admin), UD&PA chuan UD&PA hnathawh hrang hrang bakah Swachh Bharat Mission (Urban) leh MzSULM (Mizoram State Urban Livelihood Mission) hnathawh hrang hrangte sawifiahin hmalakna tur hmachhawp te a tarlang a. Pu Andrew Lalhruaia, Joint Director (Plan) chuan SEDP, PMAY-Housing for All, AMRUT, PAHOSS leh Aizawl Sustainable Urban Transport-a Department hnathawh hrang hrangte leh hmalakna tur hmachhawp la awm te a tarlang bawk a ni.
He inkawmhona hunah hian Chairman LMC, Pu Lalzuithanga pawhin thu sawiin, presentations hrang hrang an ngaihthlakte tha leh bengvarthlak a tih thu a sawi a, LMC enkawltu tur UD&PA Deptt. -a officials te nena thawhhona tha tak an neih a duh thu leh a beisei thu a sawiin, UD&PA Department lo dawnsawnna ah lawmthu a sawi bawk a ni. He hunah hian zawhna leh chhanna hun te hman a nih bakah Programme hman zawh hian thingpui inhona neih nghal a ni.
