466/2023-2024

Aizawl, the 16th May 2023: Public Health Engineering Department chuan Aizawl khawpui chawm na ber Tlawngluiah tui a kam nasat tak em avangin a hnuaia tarlan ang hian Aizawl khawpuia chhhungtin te chu an tui hman ti tlem a, tui renchem turin a hriattir.

Kan hriat theuh angin kumin hian Mizoramah thal a na hle mai a, chumi a nih avang chuan Aizawl mipui rinpui ber Tlawng lui tui pawh hi a ni telin a kam zel a ni. Hemi avang hian ni khata tui litre maktaduai 30 vel pump chhuah thin kha litre maktaduai 24-ah a tla thla tawh a. Tunah hian tuihnain a daih tak ngang loh avangin tui litre maktaduai 20-ah tlak thlak a ngai ta hial mai.

Ruah sur lova tui hi a kam zel a nih chuan tui theih zat tur hi nasa taka tla hniam tura ngaih niin, chumi pump chhuah avang tui sem chhuah zat pawh hi a tla hniam nghal lo thei lo a ni.

Chuvangin, Aizawl mipuite theih ang anga tui renchem turin PHE Department chuan a ngen tak meuh meuh a ni e.