3809/2022-2023

Lunglei the 10th March, 2023 : Lunglei Municipal Council (LMC) inthlan lo awm tur atana Party hrang hrang aiawh Candidate mi 44 ten vawiin khan Municipal Returning Officer-te hnenah Nomination an file a ni.

LMC inthlan lo awm tur atana nomination file tawp hun hi vawiin ni 10.3.2023 dar 11:00am-3:00pm tih a nih angin vawiin khan party hrang hrang aiawh candidate ten nomination an file a. Municipal Returning Officer (Ward - I, II, III, IV, V) Pu Donny Lalruatsanga hnenah mi 20 leh Municipal Returning Officer (Ward - VI, VII, VIII, IX, X, XI) Pu M.Misael hnenah mi 24 ten nomination an file a ni.

Lunglei Municipal Council inthlan tur atan hian Candidate tin te tan Ni 14.3.2023 (Tuesday) dar 3:00 pm hma inhnuhdawh theihna hun siam a ni a. Ni 15.03.2023 ah symbol in pek leh contesting candidate list puanzarna neih a ni anga. Vote thlak ni Ni 29.3.2023 dar 7:00am - 4:00pm niin Ni 3.4.2023  (Monday) ah Vote chhiarna neih tur a ni ang.