3831/2022-2023

Lunglei the 14th March, 2023 - Lunglei Municipal Council inthlan lo awm tur atana inbuatsaihna kal zelah vawiin khan Govt High School Lunglei ah Presiding Officers leh Polling Officers te tan training buatsaih a ni.

Vawiin Presiding Officers leh Polling Officers kal khawmte hi Pi Carolyn LB Khiangte DCSO Lunglei, chuan Presiding Officers te training pe in Pu Denny Lalchhuanawma BDO, Bunghmun chuan 1st Polling Officers te training a pek bakah Pu Vanlalchhuanliana DTO/BDO Lunglei in 2nd Polling Officers te training a pe a ni.

Lunglei Municipal Council inthlan lo awm tur atana an pawimawhna leh tih tur hrang hrangte hrilh hriatna neiin Presiding Officers te leh Polling Officers te chu dik tak leh felfai taka inthlan kaihruai theuh turin an chah bawk a ni.

Lunglei Municipal Council inthlanna neih tur ah hian Polling Station 44 awmin duty tur hian Presiding Officers,  1st Polling Officers leh 2nd Polling Officers 55 theuh ruat an ni.