1099//2023-2024

Aizawl the 11th July 2023 : Lunglei Municipal hmasa bera Councillor-te chuan an bialchhung a hnemhnan zawk leh hmasawnna chak zawk an thlen theih nan, anmahni hmalaknain ni 3 chhung Administrative Training Institute (ATI), Aizawl-ah ‘Capacity Building & Training’ an nei dawn a. He Training-ah hian Sawrkar inrelbawl dan te, anmahni mimal hmasawnna tur te, mipui vantlang tana zau zawka rawng an bawl theihna tura topics pawimawh tak tak bilh luh a ni. Lunglei Municipal Councillors thlan tharte hi July 11 - 14, 2023 thleng sorkar kalphung leh inrelbawl dan zirin ATI hmunah riah chilhin an training ang.

Vawin khan Pi Maria CT Zuali, Director, Administrative Training Institute chuan Training hi hawngin LMC Councillor-te lawmna thu a sawi hnuah Councillor an nih na anga an hriat tur thil pawimawh tam tak, tehkhinna tha deuh pe zelin fuihna thu a sawi.

Pu Lalremruata Ralte, Joint Director, (Trg) leh Pi Golda Dell Zohmangaihi (Core Faculty) te chu Course Coordinator an ni dawn a, he Training-a rawn kal Councillor-te inkawmhona tha tak an neihpui a ni. ATI Aizawl-ah Training an rawn nei hi lawmawm an tih thu an sawi a; he Training-ah hian Sawrkar kalphung piah lamah Sawrkar scheme hrang hrang te, Municipal Regulations te, Personality Development leh Leadership Training te bakah Co-curricular & Extra-Curricular te pawh an kalpui dawn a ni.

Lunglei Municipal Councillors hi 9 an rawn tel thei a, chak hle mahse rokhawlhna dang an neih avangin 2 an rawn tel thei ta lo a ni. Lunglei Municipal Council Councillor hmasa berte hi anmahni hmasawnna tur kawngah an phur em em a, thil thar zir turin an inhawng hle a ni.