Lunglei North Bialtu MLA Dr.Vanlaltanpuia  chuan  a bial chhung Ramlaitui leh Mualthuam North lei tawlh chu  Department hotute  Lalhmachhuana,Directorate of Geology and Mineral Resources, Pu.Sanghnuna, Senior Geologist,  Pu.Robert V.L Malsawma JE, Er.Samuel Ramdinthara EE Lunglei Division . Er.C.Laldintluanga SDO.  Er.Lalhuliana JE  te  nen an en ho.

Ramlaitui lei tawlh siam dan tur an en zawh ah Mualthuam North Field lei tlahniam chu an en leh a ni.  He kawngpui hi chhim lam Lunglei, Siaha leh Lawngtlai thlengin kan chaklak na ber  kawng anih vangin apawimawh hle ani. Tun dinhmun ah chuan lei hi tawlh leh maithei dinhmun ah a ding a, a lei volume hi achhah em avang in chhan theih anih beisei mahse ruahman na tha zawk nen a siam anih loh chuan atawlh leh ang tih ahlauhawm hle ani.  Mualthuam North Field lei hi a tlak leh chuan Khawchhung ah motor a kal leh vek a ngaih dawn avangin PWD kawng pangngai  ah a  kal theih dawn lohva , ankawng siam chawp hi a chhuk chhoh em avangin motor pawh a lo chesual nual tawh a, Hemi a nih avang hian Hmar kawtchhuah kawng hi chei that a motor lian pawh a kal theih leh na turin ruahman na siam tum ani.