2305/2026-2027

Lunglei, 2026 Mimkut Thla ni 22: Vawiin khan Lunglei Officers' Club (LOC), Samagra Shiksha Lunglei District leh GJBC Students Service Cell te ṭang ho huaihawtin Government J. Buana College (GJBC), Lungleiah zirlaite an hma lam hun atana kaihhruaina leh kawng kawhhmuhna, 'Career Awareness Programme' buatsaih a ni.

GJBC Multipurpose Hall-a hun buatsaihah hian resource person pathum awmin, Lunglei District Assistant Commissioner (Revenue) Pi Jennifer Vanlalhruaii Pachuau chuan kawng hrang hranga hlawhtling tur leh nun dan thiam tura thil pawimawh (life skills) a zirtir a. State Bank of India (SBI), Lunglei Branch-a Assistant Manager Pi Elizabeth Vanlalremkimi'n banking service-a luh theih dan sawiin, Lunglei Sub-Divisional Police Officer Pu R. Lalthankima'n civil service hna hrang hrang nihphung leh sawrkar hna exam-a tling thei tura inbuatsaih dan a zirtir bawk.

GJBC Principal Pi Lalthangmawii Chhangte leh zirtirtute uapna hnuaiah college zirlaite'n he hun hi chhimin, LOC office bearer leh member-te'n hun an hmanpui a. LOC Vice President Pu Micky R. Lalenkawla'n hun kaihruaiin, GJBC Vice Principal Pu Lalrotluanga'n inlawmna thu a sawi a. LOC President Pu Francis Lalnuntluanga Ralte chuan LOC-in career awareness programme a ruahman dan leh zirlaite fuihna thu a sawi a. Students Service Cell ai awhin Associate Professor Dr David V. Khiangte chuan thu sawiin, LOC Secretary Pu C. Lalhruaitluanga'n lawm thu sawiin hun a khar.