2306/2026-2027

Lawngtlai, the 22nd, September, 2026 : Vawiin chawhnu dar 3:00 PM khan Bawrhsap Pu Donny Lalruatsanga kaihhruaiin a Office Chamber-ah Lawngtlai Power dinhmun thlirhona neih a ni.

Pu Donny Lalruatsanga chuan kalkhawmte hnena lawmthu sawiin, Lawngtlai District-a kawlphetha dinhmun thlirin hmasawn tura thawh a pawimawh hle a ti a. Kawlphetha chu mitin mamawh, a tel lova hnathawk thei miah lo an tam hle tiin, hmasawnna tura power supply tha zawk neih tura hmalak a tul tak zet a ni, a ti. A bik takin thawktute indaihlohna ngaihpawimawh bakah a chhiat changa siam that kawngah theihtawp chhuah tura Department lam te chahin, District Administration pawhin a pui bawm zel tur thu a sawi.

Thutkhawmah hian Pu David Chakma, EE, P&E chuan report pe in, 132 kV Sub Station, Chawnhu
95% zo tawh in, December- ah chuan zawhfel hman beisei a nih thu a sawi a. Line leh Sub-Station tih changtlun nan SACSI atanga £ 2 Crore dawn niin, Bungrua pawh an dawngkim tawh thu ngaihthlak niin, 132 KV Sub-Station zawhfel hunah kawlphetha dinhmun pawh a that beisei thu a sawi a ni. Pu VLMS Dawngliana Sailo, SDO, P&E pawhin Lawngtlai Power Supply Division chhung leh pawna Jumpering chat, Fault/Line/Equipment chhia avanga kawlphetha a mumal loh thu leh Staff indaih lo thu ngaihthlak a ni bawk. Thutkhawm ah hian Consumer Association- te pawh telin zawhna leh chhanna hun hman nghal a ni bawk.

Thutkhawmah hian Power & Electric Department, President, MJA Lawngtlai leh Consumer Association hruaitute an tel a, Bawrhsap chuan lawmthu sawiin thutkhawm hi a khar.