2307/2026-2027 

Lawngtlai, the 22nd September, 2026 : Vawiin chawhnu dar 1:00 PM khan Pu Donny Lalruatsanga, Deputy Commissioner & Chairman, RKS Governing Body, Lawngtlai District, kaihhruaiin a Office Chamber-ah thutkhawm neih a ni.

Pu Donny Lalruatsanga chuan Member- lo kalte hnenah lawmthu sawiin, District Hospital chu mi te ber atanga a lian ber thlenga an mamawh leh chhawr tangkai a ni a, hemi avang hian   tihchangtlun leh tihhmasawn hi a pawimawh tak zet a ni, a ti. Bawrhsap chuan thawktute indaih lohna pawh theih ang tawka sukiang tura hmalak mek zel a nih thu a sawi a. Bawrhsap chuan  District Hospital, Lawngtlaia thawktute chu  an hnathawh leh mipui an hmachhawn kawngah mipuite fakawm tlâka thawk zel turin a chah nghal  bawk.

Dr.Paul Lalchungnunga, District Medical Superintendent & Member Secretary, RKS Governing Body chuan RKS hnuaia hmalakna hrang hrang report pek na a nei a. Thutkhawm chuan  Nursing Officer -2 leh Group-D -1 thla 6 chhung atan a lak tura ruahmanna chu pawmin, Hospital Courtyard Resurfacing, Kayakalp Preparation, CYLA-  in  khawl an pek tura hman tur UPS 2 kVa leh District Medical Superintendent Office a hman tur UPS Battery 10 kVA leina tura ruahman chu pawm a ni. District Hospital, Lawngtlaiah MUHCS hmang lo tan Dialysis (Initiation) ah Rs.4,000/- leh Maintainance phase ah Rs.2,000/- per setting tura ruahman chu pawn a ni bawk. 

Vawiin RKS Governing Body Meeting - ah hian Member-te an kal tha hle a, Bawrhsap chuan lawmthu sawiin hun a khar.