Lunglei DEF te chuan vawiin chawhnu khan Lunglei SP's Conference Hall-ah '2nd Mizoram State Anti Tobacco Day' an hmang.

Pu Ramengmawia, Reader Inspector (Crime) in inkhawm kaihruaiin Dr. Zohmingsanga, District Consultant NTCP Lunglei District chuan vaihloin hriselna a tih chhiat dan a sawifiah a, vaihlo chu Cancer, Lung thalo leh natna dang thlentu a ni, a ti a. Mei zu lova midang mei zuk hip that loh zia leh hriselna atan a that loh zia te a tarlang bawk. Vaihlo hman kawngah Mizoram hi India ramah a sang ber a; PBCR ICMR (2006 - 2008) report danin Mizoram mipa nuai khat zel ah mi 126 in Cancer an vei a, Hmeichhia nuai khat zel ah 107 in Cancer an vei bawk a ni. Meizuk phallohna hmuna mei zu te hrem theihna dan te a tarlang bawk.