No.2143/2021-2022
Aizawl the 6th September 2021: Lunglei Road Protection Squad (Lunglei South) ten kar hmasa nilaini (September ni 1, 2021) ah Lunglei chhimlama inspection uluk tak an neih hnuin vawiin khan Lunglei Road Protection Squad (Lunglei North) Team te chu an Leader Pi C. Lalduhzuali, SDO (S) hovin Lunglei hmar lam inspection an nei a ni

Vawiin inspection-ah hian kawngpui nek chep zawnga insakna bungrua leh bungraw hrang hrang dahte bakah leh lirthei chhia dah te endikna neih a ni. Vantlang tana hnawk leh kawngpui dal zawnga insakna bungrua dah te hnenah hun bituk pek chhunga senghawi tura hriattirna pek an ni. In sa lai mek te in sakna bungrua dah phalna sorkar atanga la lote chu Urban Development & Poverty Alleviation Department (UD&PA) Lunglei hnenah phalna la tura hriattir an ni bawk. Road Protection Squad te hi khawtlang hruaitu VC ten tawiawmin tuihawk luankawr leh kawngpui dinhmun te an enfiah ho a ni.