69/2023-2024
Tunlai hian mobile phone rukbo leh tihbo palh, a rutu man, a chhartu emaw a lo leichhawng tu in diklo taka neih zui a tum tak mai, a tam hle mai a. Hemi chungchang hi sorkar laipui chuan a ngaipawimawhin he'ng phone rukbo leh tihbo te hi a neituten an hmuh let leh ngei theih nan chhuizui theihna leh hemi chhunga phone bo hman theih loha siam (block) dan te a duangchhuak a. Tin, secondhand mobile phone zawrh thin ah hian rukbo a tam hle bawk a, Mobile phone leitu te'n phone ruk zawrh kan lei lohna turin sorkar chuan kan phone lei tur a him leh him loh hriattheihna tur a siam bawk a ni
I. Mobile phone bo hman theihloh a siam (block) dan:
1. Kan phone rukbo/tihbo na hmun bialtu Police Station-ah FIR thehluh ngei tur a ni a, FIR ah hian a bo dan, a bo na hmun leh hun leh mobile phone chungchang kimchang taka ziah tur a ni.
2. FIR ah hian kan phone rukbo/tihbo chu block nghal tura dilna ziah tel nghal mai theih a ni a, police te'n a tul ang zawng zawng an lo buaipui zui tawh mai dawn a ni.
3. Mahni pawhin kan phone bo hi block tir theih tho a ni. Police Station a FIR kan thehluh hnuah www.ceir.gov.in tih website ah luha, block tir mai tur a ni.
4. Mobile Phone bo hi hmuhlet a nih hnuah a chunga website ah tho khian Unblock leh tur a ni.
Mobile block tir dawn hian a block tirtu hriattheihna (identity proof) mumal tak thehluh a ngai a chuvangin uan nan leh midang pawikhawih nan hmang sual kan awm a nih chuan an chungah dan anga action lak a ni dawna ni.
II. Secondhand Mobile Phone him leh himlo check dan:
Know Your Mobile (KYM) hmang in secondhand phone zawrh lai chu ruk a nih leh nihloh kawng thumin a en theih a ni.
1. SMS message ah KYM (Space)(phone zawrh lai IMEI Number) chhu in 14422 ah thawn tur a ni.
2. KYM app hmangin a en theih a, hei hi Play Store (Android) leh App Store (iPhone) atanga download theih
a ni.
3. Web portal www.ceir.gov.in atang hian en theih a ni bawk.
KYM atanga secondhand mobile phone him ti a hriattirna kan dawn chauh lei tur a ni a. Tin, secondhand mobile phone ruk min zawrh a nih chuan police-ah hriattir nghal vat tur a ni a, a theih phei chuan anmahni leh an phone zawrh nen man in police-ah pek tur a ni.
Kan mobile phone te a bo loh nan mitin fimkhur tlang ila, a chunga kan sawi takte pawh tangkai taka lo hmang theuh turin kan in ngenin kan in hriattir a ni.
