68/2023-2024

Aizawl, the 10^th April 2023: Chief Wildlife Warden, Environment, Forests and Climate Change Department, Mizoram leh Wildlife Trust of India tangkawp in Wild Life (Protection) Amendment Act, 2022 zir hona hun Ni 2 awh tur chu vawiin ni 10 April, 2023 khan Chief Wildlife Warden Conference Hall, MINECO, Khatla-ah Chief Guest Pu R.K Singh, PCCF (HoFF) chuan a hawng a. He training na ah Forest Division tin atangin DFO te bakah Range Officer te an tel a ni.

Sorkar laipui chuan he Wild Life (Protection) Amendment Act,2022 hi  April ni 1, 2023 atanga nungchate humhalh, venhim leh enkawlna kawnga khauh lehzuala kalpui a nih theih nan hman tan turin hriattirna a tichhuak tawh a ni. Wild Life (Protection) Amendment Act, 2022 hi dan hmasa zawk Wild Life (Protection) Act, 1972 siam thatna a ni a. he dan tharah hian Convention on International Trade in Endangered Species (CITES)- in ramsa a humhalh chinte chu a rawn tihpun mai bakah, ramsa hmanga sumdawnna chungchangah khuahkhirhna a siam thar a; dan hmasa a dan bawhchhetute hremna pawisa chawi tur pawh a rawn ti sang bawk.

He Wild Life (Protection) Amendment Act zir hona hi Pi Lalrammawii Sailo, Chief Wildlife Warden in a kaihruai a. He hunah hian Chief Guest hnen atangin Symposium chhimtute fuihna thu an ngaithla. Pi Kamal Preet, APCCF(Admin)-in sawi hawnna hun a hman hnu-ah Key Resource Person Pu Rakesh K. Singh, Ph.D, Trustee & Scientific Advisor, Wildlife Trust of India hovin he amendment tlangpui hi zirho a ni.  Chief Wildlife Warden, Mizoram hian hetianga training-na hun hi tun hnai ah vawi 4 a huaihawt na a ni.