No.670/2021-2022

Lunglei the 25th May 2021 - Nimin 24.5.2021 (Thawhtanni) chawhnu dar 1:00 khan Sethlun YMA Hall ah Lunglei South bialtu MLA Dr.K.Pachhunga'n a buatsaih, MLA Fund atanga a bial chhung a chhuanchham mai tur leh ei leh in a harsate tana a buatsaih MLA BUHZEM chu hawngin tanpuina semchhuahna hun hman a ni.

Lunglei South Assembly Constituency huamchhung ah hian khaw 37 awmin khaw hrang hranga mi cheng tam berte hi nitin inhlawhfa chawp an ni.Lunglei South A/C MLA BUHZEM ah hian Covid-19 Lockdown avanga Lunglei South huam chhunga veng/khaw hrang hrang 37 a chhungkaw harsa zual chhungkaw 1700 te hnena sem tur tanpuina dah niin VLTF ten he tanpuina hi an veng/khua ah theuh anlo sem leh dawn a ni.

Tanpuina te hi uluk taka pack vek niin, pack tinah hian chini, Dal, chana, Tel, Pickle leh Sahbawn dah a ni a, cheng Nuai 15 leh sing thum chuang sen a ni.

MLA BUHZEM buatsaihtu, Lunglei South Bialtu MLA Dr.K.Pachhunga chuan MLA Fund kaltlanga a bial chhunga chhungkaw harsa leh chhuanchham te hnena tanpuina a thleng thei hi ka lawm tak zet a, chhuanchham mai tur leh harsa zual te pawh a tul angin kan ngaihven chhunzawm zel dawn a ni, a ti bawk.

MLA BUHZEM sem chhuahna hun hi BCM Sethlun Upa R. Lawmzuala'n Pathian hnenah Tawngtaina in a hlan a. Bialtu MLA Dr.K.Pachhunga'n thil pekte hi a vai liam a ni.

Dr K Pachhunga hian a bial chhung khaw 37 VLTF te hnenah kar hmasa khan tanpuina Mask, Hand Sanitizer, Tarpaulin leh Sum fai in tanpuina a lo hlan tawh bawk a ni.