No.671/2021-2022

Aizawl the 25th May, 2021 : Lunglei West Bialtu leh Agriculture Minister ni bawk Pu C.Lalrinsanga chuan a bial Lunglei West MNF Block II huamchhung khaw hrang hrang Kawlhawk, Serte, W.Bungtlang, Lungdai leh Sertlangpui Village Level Task Force te hnenah tanpuina sumfai bakah Hand sanitizer leh facemask a pe.

Heng hmanrua leh pawisa fai te hi tanpuina dawngtu khua hrang hrang VLTF te hnenah hian heng khuaa MNF Unit hruaitute hian Minister aiawhin an hlan a ni.

Agriculture Minister Pu C.Lalrinsanga hian kar hmasa khan a bial Buarpui PHC huamchhung a mipui ten tul leh mamawh apianga an hman atan Ambulance leh Buarpui VLTF te hman tur sum fai alo pe tawh bawk a ni.