No.1132/2021-2022

Lunglei the 25th June 2021 - Vawiin khan Lunglei South bialtu MLA Dr.K.Pachhunga chuan Lunglei khawpui chhunga veng paruk, Salem veng, Lunglawn, Luangmual, Sethlun, Theiriat leh Hrangchalkawn khawtlanga Home Quarantine te tan buhfai bag leh VLTF tanpuina sum fai a hlan. Hei bakah hian VLTF te tanpuina sum fai a hlan leh theuh bawk a ni.

Covid-19 hrileng avanga harsatna tawh mek laiin Dr.K.Pachhunga chuan a bial chhunga mipuite leh VLTF –te hnenah ei leh bar mamawhte, Mask, Hand Sanitizer, Tarpaulin leh Sum fai thahnem tak alo hlan tawh a. Thla hmasa khan Lunglei South A/C MLA BUHZEM buatsaih niin Covid-19 Lockdown avanga Lunglei South huam chhunga veng/khaw hrang hrang 37 a chhungkaw harsa zual chhungkaw 1700 te hnenah tanpuina alo hlan tawh bawk a ni.