23/2025-2026

Lunglei, 2025 Ṭau thla ni 2: Vawiin khan Lunglei District Superintendent of Police chuan Serhuan leh Lamthai inkar kawng khar dan tur chungchangah a hnuaia mi ang hian hriattirna a chhuah.

"Tunlai hian Serhuan leh Lamthai inkar (Package No. MZ05 913) kawng chhia chu siam ṭhat hna thawh mek a ni a, amaherawhchu he lai hmunah hian lirthei tlan a awm reng avangin duh angin kawng siam hna hi thawh chak theih a ni lo va. Chu bakah, kawng siam ṭhat mekte hi lirthei tlante hian chawplehchilha a rah chhiat zel avangin hna thawktute'n harsatna tam tak an tawk a. Kawng siam hna a lo chak theih nan leh kawng siam tawh sate chil chhiat a nih loh va, kawng te a lo ṭhat zawk theih nan, The Motor Vehicles Act, 1988 section 115/117 leh Government of Mizoram Notification No.B.12012/10/2004-TRP Dt.1.6.2020-in thuneihna min pek angin a hnuaia mi ang hian kawng khar hun tur ruahmanna siam a ni.

"Kawng khar hun:

1) Dt. 3.4.2025 @12:00 AM aṭanga Dt. 4.4.2025 @11:00 PM

2) Dt. 8.4.2025 @12:00 AM aṭanga Dt. 10.4.2025 @11:00 PM

3) Dt. 15.4.2025 @12:00 AM aṭanga Dt. 17.4.2025 @11:00 PM

"He thupek hian ni 3.4.2025 aṭanga 17.4.2025 thleng a huam ang. Hei hian dan leh thupek kengkawhtu Police duty, Magistrate duty, Fire & Emergency Service, Medical Duty, Disaster Response Force-te leh a bika Superintendent of Police, Lungleiin phalna a pekte chu a huam lo ang."