Vawiin khan SP Lunglei buatsaihin Krismas leh kumthar vuakveta Lunglei khawpuiin him zawka hun an hman theihna turin Lunglei khawpui chhunga veng hrang hrang VC, VDP, MUP,YMA leh Chanchinbu mite nen inkawm hona SP Conference hall ah an nei.

SP Lunglei Pu C. Lalthanmawia chuan he hun hi kaihruaiin khawtlang hruaitute leh tlawmngaipawlte thawhpuina leh puihbawmna tel lo chuan hmalak a harsat thin thu a sawi a, khawtlang mipuite nen tang ho a hmalakna chuan venhimna chung changah nasa takin a pui thin tih a sawi.

He hunah hian Lunglei SDPO Pu F. Vanlalrochana pawhin thu sawiin Lungleiah kumin chhungin thubuai 168 ziah luh a nih thu leh thubuai tam ber chu ruk rukna a nih thu a sawi a, khawtlang hruaitute nen thawh hona tha neih dan tur kawng hrang hrang a sawi bawk.

Vawiin a venhimna hna thawktu Police-te leh khawtlanga venhimna hna thawktu pawl hrang hrang inkawm te hian puakthei thil chung changa fimkhur dan leh misual buaina siam tur ven chung changa ruahmanna hrang hrang an sawi hova, kohhran kal tlanga khawtlang venhimna hna thawh dan turte pawh inpawh tlang taka sawi hovin hmalak dan tur  an sawi ho a ni. Lirthei chetsualna laka mipui an him theih nan traffic chungchang ah pawh tan lak dan tur sawiho ani.

Pu Lalfakzuala S/o Lalnghaka, Serkawn chuan Highway Roberry case a Police te a tanpui avangin chawimawina hlanna  neih  ani.