Vawiin khan PHE Department Conference Hall, Aizawl-ah 'Development of Training Modules & Awareness Materials on Climate Change' chungchang training neih a ni a. IPE Global Ltd., New Delhi atanga lo kal mithiam ten Aizawl khawpui chhunga PHE Department officer- AE/SDO chin chunglamte hnenah Sik leh Sa danglam chho zel chung changa midangte training pek chhawn dan leh hriatna inhlan chhawn dan turte zirtirna an pe a ni.

Training hi E-in-C, PHE Pu Lalmuanzova'n a hawng a. Officer 50 chuang kal khawmte chu sik leh sa danglam zel in kan ram a tuihna te a khawih danglam avanga harsatna lo thleng mek leh thleng zel thei chungchang te ngun taka zir turin a chah a, mipuiten harsatna leh buaina an tawh lohna tura Department lam pawh inralrin a tul thu te, an hma laknate pawh Climate Change lam ngaihtuah tel chunga an thawh zel a pawimawh thu te a sawi a ni.

PHE Department hian an Department chhungah Climate Change Cell dinin Er. F. Liantluanga, CE (Headquarters & Water Resources) chu Chairman a ni a, member 7 awmna Climate Change Cell hian Climate Change – nghawng hrang hrang zingah Water Mission bikah hma an la mek a ni.