1715/2025-2026 

Lunglei, 2025 Khuangchawi thla ni 3 : NH 302 Theiriat kawng laih mekah motor veivak tan harsatna a awm avangin, Lunglei District Superintendent of Police chuan vawiin khan The Motor Vehicles Act 1988 section 115/117 leh Government of Mizoram Notification No.B.12012/10/2004-TRP Dt. 01.06.2020 tlawh chhanin Mizoram Polytechnic Lunglei Internal Road (Hminlokawn to Hrangchalkawn) chu school naupang hruaite leh office kalte motora veivah nan hman remtih a nih thu hriattirna a chhuah a. Amaherawhchu, he kawngah hian 2 wheeler, small car, Bolero aia lian lote chauh tlan phal a nih thu leh Bolero pickup, Sumo leh a chung lamte tan tlan phal a nih loh thu a tar lang.

A hnuaia mi ang hian lirthei tlan theih hun tur pawh ruahmanna siam a ni.

Hminlokawn to Hrangchalkawn (Mizoram Polytechnic Lunglei) Internal Road-a tlan theih hun:

(1) 08:00 AM - 09:30 AM (Monday - Friday)

(2) 03:00 PM - 05:00 PM (Monday - Friday)

He thupek hian ni 03.10.2025 aṭanga 17.10.2025 thleng a huam ang. Hei hian dan leh thupek kengkawhtu Police duty, Magistrate duty, Fire & Emergency Service, Excise & Narcotics Department duty, Medical duty, Disaster Response Force, Power & Electricity Department duty, Public Health Engineering Department duty leh a bika Superintendent of Police, Lungleiin phalna a pekte chu a huam lo vang.

Kawng khar hun chhunga emergency thil avanga kal tlang mamawhte chuan he'ng a hnuaia phone number dahahte hian biak tur a ni ang.

(1) Sub-Divisional Police Officer, Lunglei - 9862256002

(2) Officer-In-Charge, Lunglei - 8974637760

(3) I/C Hrangchalkawn OP - 8014355520

(4) I/C Traffic, Lunglei - 8974637603