1714/2025-2026

Aizawl, the 3rd October 2025 : The Rights of Persons with Disabilities Act, 2016 in rualbanlote hamthatna tura a duan pakhat Sugamya Yatra/Access Audit (Accessible India Campaign) hi India Sorkar chuan a ngai pawimah em em a. Rualbanlo ten khawi lai pawh hi an then ve theih nan Wheelchair hmangte, mitdelte leh a dangte tan mipui punkhawmna vantlang building hrang hrang Biak In, Sorkar In, Zirna In leh a dangte hi siam ngei ngei tur a ni tiin khauh takin thupek a siam a. He mi bawhzui nan hian Sugamya Yatra Audit Team te leh rualbanlo thenkhat ten heng hmun hrang hrang hi endikin hun an hmang thin a. India ram pumpuiah Sugamaya Yatra hi chak taka kalpui mek a ni.

Mizoram ah pawh Commissioner, Persons with Disabilities leh NILD te nena tang kawp chuan vawiin khan University a Registrar Office, Vice Chancellor Office, Education Department , Mizo Department, Social Work Department, Central Library, MZU te bak ah Solomon’s Temple, Kohhran Thianghlim, Chawlhhmun ah te endik na neih a ni a, Mizoram ah District pasarih (7) ah he programme hi kalpui tawh niin, Mizoram pumpui ah en dikna hi neih chhuah vek tum a ni.