Vawiin khan SP Lunglei hovin Lunglei Traffic Police te nen Lunglei khawpui chhung a Traffic Control fel zawk leh tha zawk a kalpui dan tur thlirhona leh sawi hona neih a ni. Chumi bak ah Lunglei District chhung leh Lunglei Town chhung a lirthei accident thlen chhan tlangpui an thlir hova, nikum 2017 ah lirthei accident avangin mi paruk in nunna hlu tak an chan a, mi pariat in hliam na tak an tuar a. Kumin 2018 May ni 30 thlengin lirthei accident avangin mi pali in nunna hlu tak an chan a, ngun tak a thlir in heng lirthei accident chhan tlangpui hi driver zu/drug ruih vang leh tlan chak lutuk vang ni ber in a lang. Lirthei accident thlen chhan ah hian driver mawhphurhna a lian ber a, mithiam te chhut dan in lirthei accident 78% hi driver fimkhur tawk loh vang a thleng a ni an ti.

Road accident avangin nitin, thla tin, kum tin nunna hlu tak engemawzat chan a nih thin avangin inzirtirnan India ram pumpui ah Road Safety Week hman thin a ni a. Supreme Court Of India meuh pawhin ngaipawimawh in "Supreme Court Committee On Road Safety" a din phah hial a, he Supreme Court Committee hian a ngaihpawimawh Traffic dan bawhchhiatna pali te chu:-

1. Tlan chak lutuk - Excessive Speed
2. Phurrit lutuk - Over loading, bungraw phur lirthei a passenger phurh leh passenger phur chi lirthei a bungraw phurh te.
3. Zu/Drug rui chunga lirthei khalh te.
4. Mobile hmang chunga lirthei khalh te chu driving licence man sak nghal a, MV Act Section 19 leh MV Rule 21 angin lirthei khalh theilo turin thla thum chhung tal driving licence suspense tura tih a ni.

He Supreme Court On Road Safety Committee duhdan ang hian Lunglei khawpui chhung ah zu/drug rui chung a lirthei khalh, tlan chak lutuk, phur rit lutuk leh mobile hmang chunga lirthei khalh man te chu an driving licence thla thum chhung suspense sak turin Lunglei Traffic Police leh Lunglei District chhunga Police Station tin ah hmalak a ni tawh dawn a ni. Thuawih lova man nawn te chu lirthei khalh tlak lova ngaih ni in an driving licence cancel sak thlenga hrem an ni ang. Chuvangin lirthei neitu leh khalhtu te fimkhur tak a lirthei khalh thin turin an ngen takmeuh a ni.