Mizoram chhimlam tana kawngpui pawimawh tak leh chakkhai lakluhna ber Lunglei-Tlabung Road-a Lei (bridge) 2 chu tunhnai khan him tawk lova hmuh a nih thu EE, PWD, National Highway Division-IV atanga thu dawn a ni he kawngpuiah hian Lei 5 awmin, heng zinga 2 - Phairuang Lui leh Tuichawng Lui - chunga dawh chu Steel Girder type niin kum 1979 leh 1989-a dawh an nih avangin, a thirte chu tuiek tawhin motor lian leh rit tak tak kalna chi an ni tawh lova hmuh a ni a.

EE, PWD, National Highway Division-IV chuan heng Lei 2 chungah hian 12-wheeled vehicle (3axle & above) with full load-te chu kal lo turin a hriattir a. Heng Lei pahnih hmunah hian motor rit kal phal loh thu pawh Signboard tar a ni tawh a, chuvangin motor khalhtute pawh fimkhur turin a chah a ni.