Vawiin chawhnu khan DC Conference Hall, Lunglei-ah Lunglei DC Pu Abhiji Vijay Chaudhari kaihhruainain Lunglei District Consultative Committee Meeting neih a ni a.

Meeting hawnnaah DC Pu Abhijit Chaudhari chuan Bank-te hian ram hmasawnnaah leh mi rethei zawkte khaichhuahna kawngah tih tur pawimawh tak an nei a; sorkar pawhin bank-te lakah beiseina sang tak a nei a ni, a ti.

Pu James LH Pachuau, Chief Manager, Lead Bank SBI-in kalkhawmte lawmna thu sawiin Bank hrang hrang te 3rd quarter chhunga hmalakna neihte tarlangin, Bank zawng zawng ten security guard, CCTV, fire extinguisher, alarm system, smoke and heat detector, ultra violet lamp, police patrol log-book te nei an theuh tur a ni tih a hrilh.

Vawiina DCC Meeting-ah hian Bank hrang hrang leh line department ten Sub-Committee siamin, a bik takin Agriculture leh a kaihhnawih thilah Lead Bank kaihhruaina hnuaiah siam nise tih rel a ni a. Bank zawng zawng ten pawisa note bal leh chhia/tet te chu thliarhrang vek hnuah pawisa note tha chauh Currency Chest Branch-ah an dah tawh turin ngen an ni bawk. Police lam atangin Bank tinah a rang thei ang bera silai keng ngei Police Security Guard dah turin Committee chuan a hriattir bawk.