Vawiin chawhma khan Sub-Hqrs YMA Conference Hall-ah Lunglei Town Joints Student's Union hawnna neih a ni a, Lunglei HPC Vice Chairman Pu S. Laldingliana chu Khuallian niin a hmanpui.

Pu S. Laldingliana chuan Lunglei Town Joint Student's Union din a ni chu lawmawm a tih thu a sawi a. Zirlaite chu fuihin, Mizorama langsar thei tur khawpa tan lak a ngaih thu sawiin, Lunglei chuan kawng engkimah hma a hruai thei a ni, a ti.

Hawnna inkhawm hi R.C. Lalramchhana, Vice President, LTJSU in a kaihruai a, Assistant General Secretary Lalnunpuia’n report pe in pawl din a nih chhan leh a hmachhawp te a sawi a ni. MSU Regional Hqrs., Lunglei aiawh in Biaksiamtluanga, Secretary, MSU chuan thutawi sawina neiin, MZP Vice President Lalrammuanawma leh NSUI President Hrangthana ten fuihna thu an sawi bawk a ni. LTJSU President Vanlalvena Ralte Kawlni chuan lawmthu sawina in hun a khar a ni.