Ministry of Social Justice Justice & Empowerment hnuaia inrelbawl hrang, Dr. Ambedkar Foundation chuan “Dr Ambedkar Medical Aid Scheme Revised-2016” kaltlangin India khua leh tui, Scheduled Tribe emaw Scheduled Caste mi leh sa, khawsak harsa, kum khat chhunga Rs. 2,50,000/- la pha lo tan, athlawna damdawiina inenkawlna a ruahman sak .
He scheme hian ST leh SC mi leh sa, khawsak harsa, natna khirh tak tak – Kal natna, Lungna, thin natna chi hrang hrang, cancer natna, thluak khawih natna khirh, spinal zai ngai bakah hnuk khawih natna khirh te bakah taksa peng thlak (organ transplant) ngai vanga damlo ten athlawna Damdawiin thlanchhuah bikah te an in enkawl theihnan hospital a thlang chhuak a. Heng hospital ah te hian ST leh SC mi leh sa natna khirh, a chunga tarlan inenkawl duh te chu an awmna state a Health Secretary, Social Welfare Secretary emaw an awmna District-a Bawrhsap hriatpuina lehkha la hmasa a enkawl theih a ni.
He scheme hrechiang duh tan website www.ambedkarfoundation.nic.in ah lut in schemes ah luh leha “Dr Ambedkar Medical Aid Scheme Revised-2016” hawna, chhiar chian mai theih a ni a,Health Directorate, Social Welfare Directorate leh Bawrhsap Pisa-ah pawh Office kai hun chhunga zawh fiah theih a ni.
