2690/2025-2026

Lunglei, 2025 Pawltlak thla ni 16: Vawiin khan Lunglei Town Planning & Development Committee chu Lunglei Municipal Council (LMC) Chairman Pu Lalzuithanga kaihhruaiin Lunglei HPC Conference Hall-ah a ṭum hnih nan an ṭhu khawm.

He ṭhut khawmah hian LMC Councillor-te, Urban Development & Poverty Alleviation (UD&PA) aṭangin Chief Town Planner Pu RL Zidinga leh official dangte, line department hrang hrang leh Local Council ai awhte an tel a. Lunglei Master Plan atana ruahman chin (Plan area) tur thlir ho a ni a. Master Plan atana zir chianna (survey) neih dan tur sawi ho ni bawkin, kum 2026 January ni 7 aṭanga February ni 15 chhungin LMC huam chhung in tinah kal chhuakin survey hi kalpui tura ruahman a ni.