Vawiin khan DC Conference Hall, Lunglei ah Pu V. Lalsangliana, Deputy Commissioner, IAS, Lunglei kaihhruaina in Lunglei Town Sanitation Task Force thutkhawmna neih a ni.

Pu V. Lalsangliana chuan Mizoram sorkar in faina kawnga chak leh zuala hmalak tumin,The Mizoram Urban Sanitation & Solid Waste Management Policy 2011chu siamin, he policy hnuaiah hian Mizoram State Sanitation Task Force chu din in khawpui anga hma la tur pawhin Town Sanitation Task Force sorkarin a din vek a, he Town Sanitation Task Force ang hian Mizoram khawpui hrang hrang 21(census town) te fai inelna kum tina neih thin a ni a ti. Kum 2019 ah District Hqrs. Fai ber pahnihna Lunglei khawpui in a hauh a, kumin chuan pakhatna ni thei tura tan lak a ngaih thu a sawi. National Green Tribunal chuan Solid Waste Management Rules 2016, India rampuma bawhzui anih nasa takin a vil a. Mizoram sorkar pawh he rules bawhzui anih dan sawifiah leh hmala tura a tih angin Lunglei khua ah pawh a theih ang angin Town Sanitation Task Force in hma a la a ni a ti.

Pu Andrew Lalhruaia, DUDO, UD&PA Dept. Chuan Lunglei hi faina ah hma kan sawn hlea, thawh tur eraw a la tam hle a ni a ti. Lunglei Town chhunga faina leh thianghlimna kawng hrang hranga hmalak tawhna te tarlangin, Lunglei Town VC, Hqrs MUP, Sub Hqrs YMA, Sub Hqrs MHIP, Clean Lunglei, chhimbial chhantu, Lunglei thalai pawl leh MJA Lunglei te Sensitization Workshop on Solid Waste Management Rules 2016 neihpui ani. Khhawpui faina kawnga awareness School hrang hrang ah neih niin Public Toilet with mini shop pali leh Community Toilet sawmhnih panga sak zawh tawh ani ati.

Town Sanitation Task Force chuan Agenda panga ODF +, User fee, Solid Waste Management Rules 2016, bawhzui na atan polythene (50 micron aia tlem lo) khap chungchang , Solid Waste Management Rules 2016 bawhzui atan three(3) bin system leh Mizoram khawpui fai inelna lo awm tur chungchang a hmalak dan tur sawihona neih a ni.