Vawiin khan Samagra Shiksha hnuaiah Science Exibition Cum Book Fair for Elementary Schools, Mamit District chu BRC Hall-ah neih a ni a. Dr. Lalrozama, District Bawrhsap chuan khuallian niin a hmanpui.

Khuallian chuan naupang kalkhawmte chu Science pawimawhna leh kan ram chu Science hmanga hmasawnna tluantling Sustainable Development neih tum a nih thu a sawi a. Naupangte'n Project an siamte chu uluk takin a en chhuahsak a. An Project siamte naupangte hian an hrilhfiah bawk a ni.

Pu Lalsailova, Addl DPC, Samagra Shiksha, Mamit District chuan Samagra Shiksha hnuaiah hian Science leh Maths-ah nasa taka hmalakna kalpui a ni a. School zawng zawngah Science kit leh Mathematical kit sem a nih tawh thu a sawi.

He hunah hian Mamit District chhunga Middle School paruk te chuan an Project te an pholang a, Synod Bookroom-in Book Stall siamin lehkhabu chi hrang hrang lei theiha phochhuah a ni bawk.