3164/2022-2023

Lunglei the 30th December 2022 : Nizan khan Gov’t J Buana College, Lunglei tualzawl ah Bazarveng YMA buatsaihin ‘Bazar veng Day’ hman a ni. He hun hi bialtu MLA leh Minister ni bawk Pu C.Lalrinsanga chuan khuallian niin a hmanpui.

Bazar veng Day hmanna hun hi Pu CMS Dawngliana, President, Branch YMA Bazar veng in kaihruaiin Khuallian Pu C.Lalrinsanga chuan thusawiin kan hriat theuh angin Covid-19 Pandemic avangin hun engemaw chen Bazar veng Day kan hman theih loh hnu ah boruak muanawm tak hnuaia kan hmang leh thei ta hi a lawmawm hle a. He hun hman a nih theih nan a ngaihtuahna, tha leh zung sengtu Branch YMA hruaitute inpekna pawh a fakawm hle a ni a ti. Vawiin hun min hmanpui thei talo, mual min liamsan ta Bazar veng mi te rilru ah an thar a, veng pa ka nihna ang leh bialtu MLA ka nihna ang pawhin ka sun in ka ui takzet a ni a ti.

Pu C.Lalrinsanga chuan Bazar veng hian eizawnna lamah te, Sports leh thiamna lamah pawh Mizoram leh Hnam ang pawha mi chhuanawm tak tak, veng tihmingthatu kan lo nei tawh thin a. Chung kan veng hmel timawitu, hruaitu kal hmasate hnungzui a, he veng tihmingthatu ni chhunzawm zel turin thalai kalkhawmte hi ka sawm in ka chah duh che u a ni a ti. Bazar veng chhung a sawrkar hmalakna hrang hrang te pawh sawi lang in RIFD, NABARD hnuai atangin Thlanmual No.3 panna kawng 4kms a thui laih tum anih thu te, Tarmita Road kalpawh na tur 3kms a thui kawng laih tlang tura ruahmanna a awm thu te, Pandawng kawng atan rigid pavement 1km a thui ruahman a nih bak ah, Kikawn Thlanmual In atanga Pu Tawma in thleng rigid pavement kalpui tum a nih thu te a tarlang bawk.

Pu.C.Liankhama, Adviser, YMA pawhin fuihna thu tha tak tak sawiin, in lungrualna leh inpumkhatna vawng nung zel tura chah in veng chhung hmasawnna atana hnathawh kal mek tepawh a dodaltu ni lova tanpuitu ni theuh turin veng chhung mipuite a chah a ni.

He hunah hian Bazar veng chhunga zirna lam a titha te chawimawina thuziak hlan an nih bak ah, Bazar veng mi Sorkar dinhmun pawimawh tak tak chelhte lawmpuina thilpek hlan an ni bawk a ni. Hemi hnu hian variety programme hlimawm tak hman chhunzawm nghal niin, zaithiam hrang hrang ten zaiin kalkhawm mipuite an awi a ni. Chhun lamah a mamawh te tan Health Clinic buatsaih a ni.

Attachment

  • Loading attachment...