3165/2022-2023

Aizawl, the 30th December 2022 : Nimin khan Chief Secretary Dr. Renu Sharma hovin Secretariat Conference Hall MINECO ah nakum March thlaa Aizawl a G20 Business meeting nghat tur chungchanga inpuahchahna hrang hrang leh thil tul dangte thlir ho a ni.

Chief Secretary chuan nakum March Ni 2 a G20 Business meeting Aizawl ah neih tur chu Mizoram tan mellung pawimawh tak a ni dawn tiin he meeting hi G-20 Secretariat kaihhruaina hnuaiah neih tur anih avangin ruahmanna hrang hrang te pawh a tha thei ang berah tih a ngai dawn avangin Department hrang hrang te kan thawhho leh tanho a ngai dawn ani, a ti

December ni 1 khan India chuan G20 Presidency chu kum khat atan a chelh tan a. Prime Minister Modi a duh dan angin G20 meeting hrang hrang te chu India khawpui hrang hrang bakah Hmarchhak khawpui ah te pawh nghat a ni dawn a. Kum khat chhungin meeting hrang hrang 200 vel a awm dawn a. Aizawl a meeting neih tur hi sumdawnna lam hawi ani dawn a, hetah hian G20 ram 20 atanga palai an tel dawn a ni.

He meeting inpuahchahna turin Home Commissioner Pu H Lalengmawia kaihhruaina hnuaiah Core Committee din a ni tawhin Secratary hrang hrang te kaihhruaina hnuaia Sub Committee engemaw zat din a ni bawk.