3166/2022-2023

Lunglei the 30th Decemmber 2022 : Vawiin khan DC Office, Lunglei tualzawlah Bharat Alluminium Company Limited (BALCO) New Delhi chuan Corporate Social Responsibility (CSR) Fund atangin Sub-Hqrs YMA, Lunglei te hmantur Magic Express Ambulance cheng nuai sawm (10 Lakhs) man an hlan. He hun hi Lunglei Bawrhsap Pu Kulothungan A chuan a hmanpui.

Pu Kulothungan A chuan Sub-Hqrs YMA, Lunglei te hnathawhna tur BALCO ten Ambulance an pek chu lawmawm a ti a. Pu Mustaq Ahmed, Goverment Nominee, Director leh Pu Mayank, Deputy Head, CSR BALCO New Delhi te hmalakna chu fakawm a ti a. YMA te chu pawl ropui mipuite rawngbawltu leh tanpuitu an nih thu a sawi a. Ambulance hi rikrum thil ah leh chhiatna thlen thulh a hman zung zung theih nan a tangkai hle dawn a ni a ti a. Lunglei District tan hmasawnna tha tak a nih tur thu a sawi bawk.

Pu Lalrotluanga, President Sub-Hqrs YMA Lunglei chuan Sub-Hqrs YMA, Lunglei tan ni lawmawm tak a ni tiin, Lunglei District tan kawng tinrengah hmasawnna tam tak a hmalatu leh thlentu DC kan nei hi vanneithlak a ti a. Medical Department tan hmasawnna tam tak a sawichhuah bakah Department hrang hrang leh NGO te tan hmalakna tam tak a neih thu a sawi bawk. He a hmalakna hi District mipui ten a tangkai thei ang bera hman a nih tur thu a sawi bawk.