3533/2022-2023
Lunglei 10th February 2023 : Nimin khan Lunglei DC Pi Ramdinliani, IAS kaihhruaiin Lunglei DC Conference Hall-ah Republic Day 2023 hman dan thlirletna neih a ni.
He hunah hian Lunglei District Head of Office-te, BSF, Assam Rifles, SIB, Bank aiawhte an tel a ni.
Republic Day 2023 lawmna atan hian cheng 4,01,470 sen niin Department 88 atangin cheng
2,86,500 contribution a lut a ni.
Meeting ah hian Department te mawhphurna insem dan te leh siam that ngai te, lawmna tha zawka kalpui theihna tura thurawn leh ngaihdan te sawiho a ni.
Lunglei DC Pi Ramdinliani chuan Republic Day ropui taka lawm anih theihna tura Department hrang hrangte hmalakna lawmawm tiin lawmthu a sawi a. Parade contigent te, District mipuite leh cultural program a tel te chungah lawmthu a sawi bawk. India ram tana Ni pawimawhte urhsun taka kan hman hi Sawrkar official -te leh khua leh tui te mawhphurna pawimawh tak a ni tiin Lunglei DC chuan kalkhawmte chu hun lo kal zel turah pawh Republic Day leh Independence Day lawmna te ngai pawimawh chhunzawm zel turin a chah bawk.
