No.7322/2020-2021

Vawiin khan Lunglei DC Conference Hall-ah “Making our Voters Empowered, Vigilant, Safe and Informed” tih thupui hmangin 11th National Voters Day hman a ni a. He hun ah hian Lunglei District Election Officer leh DC ni bawk Pu V. Lalsangliana, IAS chu khuallian a ni.

11th  National Voters Day hmanna inkhawm Pu J.Miahlung, Election Officer kaihhruaiah  Pu V. Lalsangliana chuan thu sawiin January ni 25 hi Election Commission of India din ni niin, hemi ni pual hian 25th January, 2011 khan a vawikhatna atan National Voters Day hi India ram pum ah hman anih thu a tarlang a. India khua leh tui vote nei thei chin kan nih chuan vote thlak hi kan dikna chanvo leh kan mawhphurhna pawimawh tak a ni tiin vote thlak pawimawhna leh kum tling thar te electoral roll-a an hming thunluh pawimawhna chungchangah nasa leh zuala inhrilhhriatna (awareness campaign) kan kalpui zel a tul takzet a ni, a ti a. Vote thlak chu kan ram rorelna sang berah thu kan va sawi ve theihna hun hlu tak a ni tiin MLA leh MP election mai bakah kan khawtlang hruaitu VC election te pawh ngaipawihawh a mipui tam zawkin vote kan thlak a tul a ni, a ti a. Election kaihhnawih hmalakna hrang hrang a bik takin electoral roll dik leh felfai kan neih theihna tura hmalakna ah te BLO, NGO-te leh khawtlang hruaitute thahnemngaihna a fakawm tak zet a ni tiin Lunglei DC hian thawk ho zel turin a sawm bawk. 

He hunah hian 11th  National Voters Day pualin thutiam sawihona hun hman a ni a. Pu M.Misael, SDO (S) a kaihruai a ni “Keini India khua leh tuite, mipui sawrkar a rinna nghat tlatte chuan mipui rorelna kalphung dik chawinung zel tur leh inthlanna felfai leh muanawm neih a nih theih nan inthlanna apiangah khua leh tui  kan nih anga kan tih tur min dal thei chi reng reng sakhua emaw, chi leh kuang emaw, tawng hrang emaw avanga tihluihna leh thlemna engpawh hnawl a, huaisen taka vote turin ka intiam e.”

11th  National Voters Day pual hian Lunglei District chhunga BLO ti tha te chawimawina ‘Best BLO Award’ semchhuah a ni bawk a. Thuziak leh pawisafai cheng 1500/=theuh an dawng a ni.

BLO ti tha thlan chhuah te chu:

30 - Lunglei North     -    Pu PC. Lalbiakzuala 30/22-Zohnuai.

31 – Lunglei East    -    Pu R. Zohmingliana, 31/18 Zobawk III

32 - Lunglei West     -    Pu C. Lalramdina32/1-Bungtlang West

33 - Lunglei South    -    Pu FL. Ramnunmawia, 33/33-Thingfal II

34 – Thorang        -    Pi Zothanpuii, 34/27-Rangte

35 -  West Tuipui    -    Pu Amrita Kamal Chakma, 35/17-Tippreghat te an ni.

District Election Officer leh ERO ten vote nei thar te hnenah Voter I.D hlanna an nei bawk.