4279/2023-2024

LUNGLEI; the 21^st March, 2024: Tukin zing dar 9:00 khan District Election Officer leh bawrhsap nibawk Pi Ramdinliani kaihruaina hnuaiah "1^st  Randomization of EVM” chu DC Conference Hall-ah neih a ni a.  Political party hrang hrang aiawh te bakah MJA Lunglei ten 1^st Randomization hi tel puiin, District Strong Room atanga Assembly Segment Strong Room, Saikuti Hall lama thiarchhuah a, Sipai Venhimna hnuaiah dah that pawh an witness a ni.

Electronic Voting Machine (EVM) hian Control Unit (CU) leh Ballot Unit (BU) bakah Voter Verifiable Paper Audit Trail (VVPAT) te a keng tel a. Heng khawl te hi inthlanna atana hman turte chu ECI duh dan angin First Level Checking (FLC) neih niin, ECIL Engineer-te leh sawrkar official ten Political Party aiawhte awm laiin EVM-te endikna neih a nih hnuah, inthlanna atan a hman theih turte chu District Strong Room ah sipai venhimna hnuaiah dah that thin an ni.

 FLC hi Lunglei District-ah chuan 13-15th February 2024 ah neih a ni a, chutah chuan BU- 283, CU- 293 leh VVPAT- 303 te endik an ni a, BU-275, CU- 256 leh  VVPAT- 297 te chu election a hman tlak a ngaih an ni a. A thawh hnih nan ECI in EVM min pek belh avangin 7th March 2024 chhungin neih leh a ni a, hetah hian  BU-20, CU- 4 leh  VVPAT- 20 te chu endik niin; an vaiin election a hman theih turin pawm ve an ni. Heng FLC paltlang EVM te District Strong Room-ah dahthat vek an ni. FLC paltlang zo lo EVM te chu Chief Electoral Officer, Mizoram hnenah thawn let vek an ni tawh. Tichuan, FLC neih hnuah Lunglei District-a EVM kan neih dan chu hetiang hi a ni: Ballot Unit(BU) – 276, Control Unit(CU) – 277 leh VVPAT – 298.

Heng CU,BU leh VVPAT ,FLC paltlang tawh tea tang hian Computer in Election-a hman tur Polling Station awmzat( 176)  bakah  Reserve a awm tur Control Unit- 45%, Ballot Unit-45% leh VVPAT-55%  te chu 1^st Randomization-ah hian thlanchhuah a ni a. Chung 1^st Randomization-a thlanchhuah  Control Unit (CU)-253, Ballot Unit (BU)-253 leh VVPAT-269 te chu Assembly Segment (A/S)6 (paruk)  Viz: 30-Lunglei North (ST), 31-Lunglei East (ST), 32-Lunglei West (ST), 33-Lunglei South (ST), 34-Thorang (ST) leh 35-West Tuipui (ST)- ah sem darh a ni.  ECI in a ruahhman angin (EVM Management System) EMS 2.0 hmanga EVM te hi Randomize an ni.Reserve CU & BU leh VVPAT -te hi Sector Magistrate ten Polling Day-a EVM chhia te thlak nan an keng chhuak dawn a ni.

Randomization zawh a nih hnu ah EVM-te chu Political Party aiawhte hriatpuina leh sipai venhimna uluk tak hnuaiah District strong Room atangin  Saikuti Hall-a A/S Strong Room-ah sawnchhuah a, Sipai venhmina hnuaiah dah that a ni ta a ni.

2^nd  Randomization hi  tahrik ni 9 April, 2024 a neih tur a ni a, chutah chuan EVM-te chu Polling Station hrang hrangah sem darh leh an ni ang. CEO ruahhmanna angin 10-13th April, 2024 chhungin Commissioning of EVMs chu Saikutui Hall-ah neih leh a ni ang a, chutah chuan Political Party te hriatpuina hnuaiah EVM-te chu election a hman theih turin buatsaih fel an ni dawn a ni.