4278/2023-2024

Khawzawl, 21st March 2024:  Lok Sabha Inthlanpui 2024 neih tura inpuahchahna chu Khawzawl District-ah pawh chak taka kalpui mek zel a ni a. Vawiin khan Khawzawl District Administration hnuaia Assembly Segment awmchhun - 22-Tuichang (ST) a hman tur Electronic Voting Machine-te chu a tumkhatna atan thliar felna (1st Randomisation) neih a ni. He hunah hian  Khawzawl District Election Officer, Pu K. Lalrohlua hovin Official leh Political Party aiawh te an tel.

Electronic Voting Machine kaihhnawih khawl hrang hrang - Balloting Unit, Control Unit leh Voter Verifiable Paper Audit Trial (VVPAT) te chu he hunah hian a bik taka duan EVM Management System 2.0 hmanga thliarfel an ni a. Khawl hmang hian District chhunga Assembly Segment-a hman tur Balloting Unit leh Control Unit 40 ve ve bakah VVPAT 43 thlan chhuah a ni. Khawzawl District hnuaiah hian Assembly Segment pakhat - 22-Tuichang chauh a awm avangin vawiina thlanchhuah te hi an Assembly Segment kalna tur tih chian a ni nghal tihna a ni.

EVM khawl thliar felna (Randomisation) hi tumkhat dang neih leh tur a ni a. He hunah hian EVM te chu  Polling Station a kal tur leh  a thlaveng (reserve) a awm tur thliar fel a ni ang. He mi zawh hian EVM Commissioning neih a ni leh ang a, he hunah hian Candidate te hming leh symbol chu EVM khawlah hian thun luh a ni tawh dawn a ni.

Attachment

  • Loading attachment...