3164/2024-2025

2024 Sahmulphah thla ni 23: 2 Mizo Battalion National Cadet Corps (NCC), Lunglei hnuaia cadet-te chuan vawiin khan NCC din champha phak vawi 76-na pualin a mamawh apiangin an hman turin thisen unit 22 an pe.

NCC din champha phak vawi 76-na puala thisen pek runpui hi 2 Mizo Bn NCC hmunpui, Lunglei Sazaikawna Multipurpose Building-ah buatsaih a ni a. Thisen hi college leh school hrang hrang aṭanga NCC cadet kal khawmte'n pein, 2 Mizo Bn NCC Commanding Officer Col. Aman Chowdhary chuan a telpui a ni. 

Thisen hi Christian Hospital Serkawn Blood Bank-a dah tura pek niin, Christian Hospital Blood Bank-a thawktute chuan Sazaikawnah hian kal chilhin, thisen hi an laksak a. Thisen petute hi hmeichhia 4 leh mipa 18, an vaiin mi 22 an ni. 

2 Mizo Bn NCC hian Mizoram chhim lam pumpui awpin, Mizoram chhim lama NCC battalion awm chhun a ni a. College leh school hrang hranga NCC cadet-te tan training leh activity hrang hrang an buatsaih ṭhin a ni.