4782/2024-2025

Lunglei, 2025 Vau thla ni 24: Vawiin khan Lunglei Lunglawna 20 Battalion Assam Rifles hmunah Commandant Col. Sukvinder Singh (SM) kaihhruaiin Assam Rifles Veteran Day ropui taka hman a ni.

He hunah hian Mizoram chhim lam district hrang hrang aṭangin ex- serviceman leh an nupuite ṭhahnem tak an tel a. Assam Rifles lo din chhuah dan leh ram tana an inpekna kawng hrang hrang te bakah, khawtlang hmasawnna atana an hma lakna hrang hrang te PowerPoint presentation hmanga entir niin, sipai bangte tana hamṭhatna hrang hrang awmte - CSD, sipai bang fate zirna senso leh damlo entirna senso phuhrukna, sipai thi leh an chhungte ralna bakah, damlo ṭanpuina leh hamṭhatna dangte tar lan a ni bawk a. State Bank of India (SBI) Lunglei aṭangin Pension Account chungchanga hriat turte ngaihthlak a ni bawk.

He hunah hian sipai bang zinga Aadhaar Card chin fel ngaite tan chin fel theihna hun buatsaih niin, a thlawna hriselna dinhmun endikna (free medical check up) buatsaih a ni bawk a. Kal khawmte hi ei tur tuihnai tak tak hlui an nih bakah, Veteran Day pual thilpek hlan vek an ni bawk.