4781/2024-2025

Dated Aizawl the 24th March, 2025 : Vawiin  zing dar 7:30 khan Health care scheme thar – Mipui Health Care hman tawh tur kaihhnawiha Sawrkar lam inbuatsaihna hrang hrangte a hmunah Health Minister – Pi Lalrinpuii chuan  enpuiin Zoram Medical College & Hospital, Falkawn a tlawh a. Health Minister hi ZMC&H Medical Superintendent leh Deputy. Medical Superintendent bakah thawktu dangten an lo dawngsawng a, Mipui Health Care thar tur atana ZMC&H inbuatsaihna hrang hrangte chu a hmunah an enho a ni.

ZMC&H ah hian General ward, ICU, NICU, PICU leh Cabin te nen a. vaiin khum 420 an nei mek a, Health Care Scheme thar hman turah hian sawrkar in thawktu tam tak pek belh tumin recruitment process a. kalpui mek a, hemi avanga General Bed thar hlak 52 (fifty two) leh Cabin thar. dang – 30 bakah, ICU khum 13 leh Cardiology khum – 6, NICU khum – 4 thar, Dialysis khawl – 10 hmanga hospital tih changtlun anih mek dante chu a hmunah a enpui a, mamawh belh awm ang angte pawh Chief Minister nen phone kaltlanga. inrawn nghalin, a rang thei ang bera  ngaihtuahpui a tum thu a sawi nghal a ni.

Hetiang taka mipui tana Sawrkar a. inhawn lai leh a inhuam lai hian, mipuite rawngbawl tura ZMC&H a inpeih fel theih nana hma la turin Health Minister chuan thawktute chu a ngen a. Heng hmalakna tharte hian mipuite mamawh nasa takin a chhawk zangkhai theih a. beiseiawm tih a sawi.

Pi Lalrinpuii chuan vawiin chawhma dar 11:00 khan Civil Hospital,. Aizawl pawh a tlawh nghal a. Civil Hospital, Aizawl-a Cardiology Unit tihchangtlunna atana hmalakna leh Cardiology ward-a Khum 11 awm mek, khum 11 thar dang dah belh a, khum 22 awm thei tura buaipui mekte chu a hmunah a enpui a, Cardiology CICU thar - khum 8 awmna tur, PICU – khum 4 leh Pediatric HDU khum – 8 te bakah Cath lab table 2 leh Recovery unit – khum 4 awmna siam thar tura ruahmanna leh hmalakna hrang hrangte chu a hmunah a enpui bawk a ni.

Organ Transplant Centre ni thei tura Civil Hospital, Aizawl in. license an hmuh tak chungchangah Hospital hotute thawhrimna chu fakawm a tih thu a sawi a. Health Minister chuan, Mizorama  doctor te chu an thiamin an rintlak tawk tih sawiin, mipui ten tlawm zawk leh hun leh tha tam tak seng lo va kan ram ngeia organ transplant kan tih ve theih ngeina turin tan la sauh sauh a,, hmabak la awmte pawh chak zawka bawhzui turin Hospital-a hotute chu a chah nghal bawk a ni.

Hemi kal zelah hian vawiin tlai vek khan Minister chamber-ah Health Department hotute chuan Department inbuatsaih na hrang hrangte an thlir ho leh nghal bawk a ni.