4780/2024-2025

Dated: Mamit the 24th of March,2025: Vawiin chawhnu dar 1 khan Lungsir YMA Hall, Mamit-ah World TB Day hman a ni a, he hunah hian Mamit Bialtu MLA Er H Lalzirliana chu Khual lian niin hun a hmanpui.

Khual lian chuan tunlai khawvelah natna hrang hrang a hluar thu sawiin TB natna Mizo ten ‘ngawr’ kan tih pawh a hluar a, theihtawpin Sawrkar Laipuiin hma a la zel a, kan Prime Minister kaihhruaina hnuaiah kum 2025 chu India ram “TB free” nih tir tum a hmalak a ni zel a, Mizoram pawh hemi kawngah hian theihtawpin hma kan lak a tul thu a sawi.

Er H Lalzirliana chuan Mamit district chu Mizoram-ah TB umbo kawngah district titha pawl kan ni chu lawmawm tiin hemi kawng a sulsutu pawimawh ber te chu ground workers te an nih thu a sawi a, an thawhthat leh thahnem ngaih zarah early detection te kalpui niin Mamit district chu TB awm lohna district ni thei turin theihtawp a beihpui thlak turin a fuih bawk a ni. Tin, TB do kawng a pawimawh em em chu fitness- rilru leh taksa hrisel hi a ni a ti a, thalai te chu zuk leh hmuam a fihlim tur leh ei leh in kawng a fimkhur turin Bialtu MLA chuan a chah bawk a ni.

He hunah hian Pi Carolyn LB Khiangte, Addl DC Mamit chu “Guest of Honor” niin district administration in a TB umbo kawng a a vei hrang hrang te a sawi a. A hmasa ber in kan hygiene leh sanitation te ngaihpawimawh a tul tiin ei leh in kawngah te hmasawn kan ngai a ti a. A pahnihnaah chuan zuk leh hmuam laka fihlim a tul thu sawiin hei hian natna hrang hrang a thlen theih thu a sawi,tin a tawp berah chuan awareness neih that a tul takzet thu a sawi bawk.

Vawiin hunah hian TB Free Village Award leh TB Mitra( Donor) & Primal Staff Citation sem chhuahna neih nghal a ni a. Dr Thanmawii, District TB Officer atangin “Awareness & Mitra Campaign” neih niin, Pu Lalrinawma, DPPM Coordinator NTEP hnen atangin performance report ngaihthlak a ni.