3538/2024-2025

2024 Pawltlak thla ni 15: 20 Battalion Border Security Force (BSF), Zotlang, Lunglei chuan December ni 13, 2024 (Zirtawpni) khan Battalion Headquarters, Zotlang, Lungleiah 2nd Mizo Battalion National Cadet Corps (NCC) hnuaia NCC cadet-te tan ralthuam chi hrang hrang entirna (weapon exhibition) an buatsaih.

He hun hi sipaite'n ram ven him nana tun lai ralthuam changkang ber ber leh hmanraw hrang hrang an hman ṭhinte chu NCC cadet, nakina sipaia la ṭang thei turte'n an lo hmelhriat a, an hriat chian theih nan leh ram tana inpekna rilru leh sipaia ṭan duhna rilru an put theih nana fuih phur tura ruahman a ni a. NCC cadet 150 velin he hun hi chhimin, ralthuam hrang hrang chungchang bakah, ramri ven himna kawng leh ram chhung ralmuanna atana BSF hna thawh dan te zir chian nan hun an hmang a ni.

20 Bn BSF Commandant Pu Neeraj Sharma leh 2nd Mizo Bn NCC Commanding Officer Col. Aman Chowdhary te chuan ralthuam entirna leh inkawm hona buatsaih chuan ṭhalaite rilruah mahni inthunun theihna leh ram hmangaihna a tuh bakah, ram chhung ven himna lama thawh chakna a siam ngei an beisei thu an sawi.